VÍDEOS COMPOST

Nos seguintes vídeos podemos coñecer o que é o compost e como facer un composteiro.

Curso de Formación.

Seguindo coa formación do ano pasado, recibiremos uns cursos adicados ao horto escolar.
Trala ponencia de María Lafuente, comprobamos o estado no que se encontra o compost que estamos realizando no patio.

Patrullas compostaxe.

Todas as semanas pasan polo composteiro unha clase, que se encarga de recoller os residuos orgánicos que teñen preparados na cociña, botalos no composteiro e tapalos co estructurante. Este ano non o remexeremos e será un traballador do Concello quen faga esta labor.
Ao final da semana, queda constancia do estado que se atopa o compost, cubrindo unha enquisa que fixemos para ese fin.

Os alumnos e alumnas de 1º aprenden a reciclar residuos orgánicos xunto a súa titora.

Obradoiro Reciclaxe-Composteiro

Hoxe visitáronnos uns monitores da Asociación Ecoloxista Adega, prepararon diferentes xogos de reciclaxe co alumnado de 1º a 5º.

OS MAIOS - COPLAS

Este ano estamos concienciados co tema do coidado do Medio Ambiente. Por iso reflexamos estos temas nas coplas dos Maios. Aquí vos deixamos as estrofas onde falan destes temas.

1º Primaria:

No noso cole

estamos a reciclar,

para na casa 

aos papás ensinar.

O xogo da Serpe,

fixemos este ano,

e para coidalo medio

viñemos camiñando.

2º Primaria:

No "Xogo da Serpe"

estamos participando,

por iso ao noso cole

hai que vir camiñando.

Co pincho solidario

queremos axudar,

á xente de Bolivia

fame non pasar.

3ºA Primaria:

No noso colexio

somos solidarios

cos nenos de Bolivia

e máis cos refuxiados.

No noso Concello

puxeron composteiros.

A ver se cooperamos 

e enchémolos enteiros.

O noso pobo

é espectacular

porque ten uns xardíns

e ímolos coidar.

3ºB Primaria:

Ir ao cole andando

estache moi ben

para o seguinte ano

queremos ir en tren.

Os nenos do colexio 

vimos camiñando

para así o planeta

seguir coidando.

No noso colexio

temos un composteiro

e cos restos de hoxe

encherémolo enteiro.

Os nenos deste cole

somos moi solidarios

trouxemos moitas cousas

para os refuxiados.

Na nosa vila

moitos van en coche

e se saes á rúa

ten coidado cos coches.

4º Primaria:

Na porta do noso cole, 

non queremos tantos coches,

se todos vimos andando

tamén facemos deporte.

O Xogo da serpe

fixemos moi contentos,

esperamos repetilo

dentro dalgún tempo.

No CEIP de Allariz

coidamos o medio ambiente

seleccionamos o lixo

axeitadamente.

Fartos dun mundo

tan contaminado,

usaremos composteiros

para melloralo.

No noso concello

somos moi ecoloxistas

compost e reciclaxe

saltan á vista.

5º B

Non sei que está pasando

aquí cos refuxiados,

cómprenos investigar 

porque os deixan abandoados.

O noso colexio quere

axudar aos refuxiados

mais o goberno pretende

que continúen apartados.

Este ano colaboramos 

con distintos refuxiados

o alumnado de Allariz

axuda aos necesitados.

No Entroido deste curso

amosamos variedade

e co pobo Boliviano

vimos solidariedade.

Os mestres aínda se cren

que todo é teoría

algúns tamén aprendemos

auditando a ecoloxía

Nesta clase reciclamos

pra as árbores axudar

se nós non facemos nada 

do mundo nada vai quedar.

Chegarás a ser un fraude

se non sabes reciclar

os plásticos e os cartóns

cada un no seu fogar.

Este ano no patio

fixemos un composteiro

alí botamos os restos

que nos da o cociñeiro.

Trá fico mandou unha serpe

ten ideas peregrinas

quere que sexas sotible

a base de pegatinas.

6º Primaria

Agora o Concello

puxo composteiros;

hai que facelo ben

para que non haxa cheiros.

Zona compostaxe comunitario

Para finalizar o curso de formación do grupo de traballo docente, realizamos unha visita á zona de compostaxe comunitario.
Recibimos explicacións do funcionamento por parte dun técnico do concello así como do alcalde e puidemos observar como en pocos meses que leva funcionando xa se obtivo compost.

Comezamos a compostaxe

A área de compostaxe está constituída por dous composteiros:
- un de almacenaxe de restos vexetais (estruturante) onde depositaremos follas e restos de poda triturado que nos facilita o personal do concello
- outro onde iremos baleirando os restos orgánicos procedentes do almorzo de media mañá (carozo de mazás, mondas de plátano, restos de bocadillos,..) e restos que nos facilitarán da cociña.
Organizaremos unhas patrullas de compostaxe, de grupos de cinco rapaces e rapazas. Cada semana se encargará unha aula de xestionar a área de compostaxe.
O final da semana cubrirán unha ficha de incidencias onde se sinale as condicións na que se encontra o compost (humidade, cheiros, mosquiña,...)


Enlaces de interese
Composta en Red

Biorresiduos- Ministerio de Agricultura, Alimentación y Medio Ambiente

Instalaron composteiros.

Hoxe viñeron operarios do Concello a colocarnos os composteiros. E xa quedan formando parte do mobiliario do colexio. En breve traerán estructurante (restos vexetais de podas e follas) para empezar a elaborar compost.